गुरुजी

शाळांना जर का शिक्षक
लाभला नसता तर....
गणितचा भूगोल झाला असता.

फळ्यावर जर खडूचा हात
फिरवला नसता तर....
ABCD आणि बाराखडीचा
अर्थच कळला नसता.

गुरुजी तुम्हीच आकार दिला जेव्हा....
मातीचा मी गोळा होतो.
पायथागोरस, आर्किमिडीज, न्यूटन
अजून हि तोंडपाठ आहे गुरुजी....

तुम्ही शिकवलेल्य पाण्याच्या रेणुसूत्रात
मला तुम्हीच दिसता गुरुजी....

तुमच्या हातून खाल्लेला मार
आज पर्यंत विसरलो नाही मी....
घोडा करून उभे करायचाच तुम्ही
आता तीच पद्धत व्यायामाला वापरतो मी....

शाळा चुकवायचो कित्येकदा
उनाडक्या करताना....
पण भीती वाटायची
तुम्ही गृहपाठ तपासतांना....

आज मात्र तुम्ही whatsapp/facebook वर चेष्टेचा विषय झाला....

मास्तर कोमात
गुरुजी जोमात
मास्तर पळाला
यात्रेला गेला
असल्या कॉमेन्ट जेव्हा लोक करतात.

काळीज फाटते हो गुरुजी
आमच्या आदर्शाचे मातेरे होताना.

पण तुमची प्रतिमा मात्र
माझ्या ह्रदयात आदरणीयच राहील....
मी साक्षर फक्त तुमच्या मुळे झालो
हि जाणीव मला शेवतोपर्यंत राहील....