💁‍♀ *महिला दिन आणि बरंच काही!*

दर वर्षी 8 मार्चला 'जागतिक महिला दिन' साजरा केला जातो. आजघडीला जगभरात महिलांप्रती प्रेम, आदर व्यक्त करत या दिवसाचे विशेष सेलिब्रेशन केले जाते. या पार्श्वभूमीवर पहिला महिला दिन कधी साजरा झाला? यंदाची थीम काय? आपली भूमिका काय? आज याबाबत सविस्तर जाणून घेऊयात...   

🧐 *पहिला महिला दिन* :

1909 मध्ये युनाईटेड स्टेट्समध्ये पहिला राष्ट्रीय महिला दिवस 28 फेब्रुवारीला साजरा केला गेला. मात्र 1975 मध्ये संयुक्त राष्ट्र संघाने एका थीमसह महिला दिन साजरा करण्याची प्रथा सुरु केली. महिला दिनाची पहिली थीम होती- 'सेलिब्रेटींग द पास्ट, प्लॅनिंग फॉर द फ्युचर.'

🤨 *जागतिक महिला दिन 8 मार्चला का साजरा केला जातो?* :

1917 साली रशियन महिलांनी केलेल्या निषेधानंतर त्यांना मताधिकार देण्यात आला. फेब्रुवारी 1918 साली युके मध्ये 30 महिलांना ज्यांच्याकडे स्वत:च्या मालकीची संपत्ती होती त्यांना मतदानाचा अधिकार मिळाला.

इतिहासात 1975 हे साल 'Red Letter Year' म्हणून पाहिले जाते. कारण याच वर्षी युनाईटेड नेशनने 'जागतिक महिला दिना'ला अधिकृत मान्यता दिली. त्यानंतर 8 मार्चला जागतिक महिला दिन साजरा होऊ लागला.

💁‍♂ *जागतिक महिला दिन आणि जांभळा रंग यांचं कनेक्शन काय?* :

जांभळ्या रंगाच्या कनेक्शन मागे इतिहास आहे. लिंग समानता म्हणजेच Gender Equality चे प्रतिक म्हणून या रंगाकडे पाहिले जाते. जांभळा रंग हा 'महिला मुक्तता आंदोलन' याचं देखील प्रतिक आहे. स्त्रियांनी इतिहासात दिलेल्या त्यांच्या अधिकार आणि हक्काच्या लढ्यांमध्ये हाच जांभळा रंग प्रतिकात्मकतेने वापरण्यात आला होता.

❓ *यंदा महिला दिनाची थीम काय?* : 'Think Equal, Build Smart, Innovate for Change या थीमवर आधारित महिला दिनाचे सेलिब्रेशन करताना जांभळा रंग वापरायला विसरू नका.

🎯 *महिला दिन म्हणजे केवळ इव्हेंट नव्हे!* : महिला दिनानिमीत्त केवळ रॅली, कँडलमार्च, किंवा सांस्कृतीक कार्यक्रमांचे आयोजन करण्याने स्त्रीसबलीकरण होणार नाही. तर स्त्रीमध्ये जागरूकता निर्माण करणे. आपला संघर्ष हा पुरूषांशी नव्हे तर व्यवस्थेशी आहे. याची जाणीव निर्माण करून देणे गरजेचे आहे. अन्यथा महिला दिनाला केवळ एक जागतिक इव्हेंट यापलिकडे काहीही अर्थ राहणार नाही.

🤔 *तुम्ही काय-काय करू शकता?* :

आज आपण घरातील महिलांचा दिवस स्पेशल बनवू शकता. मग ती महिला बायको, आई, सासू, बहीण, मुलगी किंवा इतर कोणी असो. कारण कुठल्याही चांगल्या कामाची सुरुवात घरापासूनच केली तर अधिकच उत्तम ठरते. तुम्ही काय-काय करू शकता, ते पहा... 

▪ तुमच्या घरातील महिलांना एका दिवस का होईना किचनपासून मुक्ती देऊन पहा. त्यांच्यासाठी चहा, कॉफी, ब्रेकफास्ट, लंच तयार करून पहा.
▪ त्यांना फिट राहण्यासाठी प्रेरित करू शकता. कारण घरातील स्त्री फिट असेल तर कुटुंबाचं आरोग्य उत्तम राहील.
▪ त्यांना त्यांच्या छंदासाठी प्रोत्साहित करण्याचा संकल्प करा. मग ते गार्डनिंग, पेंटिंग, म्युझिक, डान्स किंवा इतर काही असो.
▪ दिवसातून त्यांच्या एक तरी कामाची जबाबदारी स्वत: पेलाल असा संकल्प करू शकता.
▪ त्यांनी जीवनात यशाची उंची गाठावी म्हणून प्रेरणादायी पुस्तकेभेट करू शकता.